Job 10

1 Ka nuntakna mahmah ka cimtak hi;
tua ahi manin ka ututin ka phun dinga
ka lunggimna ka genkhia ding hi.
2 Pasian kiangah: Kei hong mawhpaih kei inla ^a
nong mawhsakna hong gen in, ka ci ding hi.
3 Kei hong kinengniam a, ^b
na bawlsate kisimmawhbawlin ^c
migilote ngimna na maitaipih ciangin na lungkim ahi hiam?
4 Ci-le-sa mit nei na hi hiam?
Mihing muh bangin mu na hi hiam? ^d
5 Na nite mihingte aa bang,
ahikeh na kumte mihingte aa bang ahi hiam? ^e
6 Ka khialhnate zongin bang hangin
ka mawhna hong sulzuih na hi hiam?
7 Mawhna ka neih loh lam, ^f
na khut panin hong honkhia zo kuamah a om loh lam, thei hi lo na hi hiam?
8 “Na khut in kei hong geelin nong bawl hi. ^g
Tu-in kei hong susia zel ding na hi hiam? ^h
9 Tungman bangin kei nong seek lam phawk in. ⁱ
Tu-in leivui hong suaksak zel ding na hi hiam? ^j
10 Nawitui bangin kei nong sungkhia a,
nawikhal bangin nong khalsak a,
11 vun le satakin nong tuam a,
guh le thagui-in hong khuituah hi lo na hi hiam? ^k
12 Hong nungtasakin, migitna nong lak a, ^l
nangma huaina sungah kei ka nungta hi.
13 “Ahi hangin hih in na lungsima na selsiah hi a,
hih pen na lungsim ahilam ka thei ta hi: ^m
14 Ka mawh leh nong vil gige a, ⁿ
ka mawhna dan pan nong pengsak kei ding hi.
15 Ka khialhkhak leh thuak mah ning!
Mawhpenga ka om nangawnin ka lu ka phong thei kei hi; ^o
ahang in, ka mai zum lua a,
gim thuakna sungah ^{▼▼10.15 Ahikeh kidawm} ka kia hi. ^q
16 Ka lu phongkaang pan leng humpinelkai bangin nong gem khiankhian a, ^r
a kihtak huai na vangliatna nong tungsak hi. ^s
17 Kei hong langpan ding teci thak nong puak a, ^t
kei tungah na heh semsem hi. ^u
Kei lamah na hatna a hualhualin hong tung hi. ^v
18 “Bang hangin sul sung pan hong pusuakkhiasak peuhmah na hi hiam? ^w
Kuama hong muh ma-in si leng ka ut hi. ^x
19 Mihinga piang vet lo, ahikeh sul sung panin
han a zuanpah hizaw leng maw! ^y
20 Ka hun tomno beikuan ta hi lo ahi hiam? ^z
Tomno sung nuam ka sak theih nadingin kei kiang pan kihemkhia in.
21 Kuamah a kileh kik nawn lohna mun, ^aa
khuamial le niliap ^{▼▼10.21 Ahikeh sihna liim; tg. 22 ah zong} thukpi in a tuamcipna mun, ^ac
22 zan khuamial penpenna mun, niliap thukpi,
khuavak nangawn khuamial tawh a kibatna mun ka tun ma-in
tomvei sung ka lungnop nadingin kei hong nusia in,” a ci hi. ^ad